Nadutukan ni Rear Admiral Alfonso Torres Jr. kas baro a komander ti Armed Forces of the Philippines’ Western Command (AFP WESCOM), a nangsukat ken ni Vice Admiral Alberto Carlos a nag-leave of absence gapu iti personal a rason.
Iti statement a nairuar idi kalman, Mayo 18, kinuna ti hepe ti Armed Forces of the Philippines Public Affairs Office (AFP PAO) a ni Xerxes Trinidad a ti pannakadutuk ni Torres ket maysa nga administratibo a desision ti Armed Forces of the Philippines’.
Paset daytoy ti agtultuloy a panagbalbaliw iti liderato ken kangrunaan a posision iti uneg ti militar a kasapulan tapno makibagay ti institusion iti agbaliwbaliw nga aglawlaw ti seguridad ken epektibo a mangtaming kadagiti rumrummuar a karit.
Segun iti Armed Forces of the Philippines Public Affairs Office, kasapulan ti Western Command ti maysa a lider nga addaan to naruay a kapadasan Ken “full-time leader” a mangipaay iti panagtultuloy ken estratehiko a direksion.
Gapu iti daytoy ket inpakita da ti naan-anay a suporta da ken ni Rear Admiral Torres ken agtalekkada iti kabaelanna a mangidaulo.
Sakbay iti daytoy, sangsanguen ni Carlos ti mapapati a pannakairekord ti maipagarup a “new model” deal iti China gapu iti panangtarawidwidna iti kasasaad iti Ayungin Shoal iti West Philippine Sea (WPS).
Nupay kasta, inlibak ni Armed Forces of the Philippines spokesperson Colonel Francel Margareth Padilla a ti pammalubos ni Carlos ket nainaig iti panangipakaammo ti Chinese Embassy a simrek ti Armed Forces of the Philippines Public Affairs Office iti kastoy a katulagan.
Inbatad ni Padilla nga awan ti maisayangkat nga imbestigasyon bayat nga adda ni Carlos iti leave.
Maipalagip a nadakamat kadagiti immun-una a report maipapan iti mapapati a panagruar ti recording ti maipagarup a saritaan da Carlos ken ti maysa a diplomatiko iti Chinese Embassy a mangdisdiskutir iti “new model” deal iti panangtarawidwid iti Ayungin Shoal, a maawagan met iti Second Thomas Shoal iti West Philippine Sea, ngem inlibak dagiti opisial ti Pilipinas ti kaadda ti kastoy a deal.
