LAOAG CITY – Nairekord ti probinsya nga Ilocos Norte ti kangatoan a kaso iti maysa nga aldaw nga umabot iti 566.
Gapu iti daytoy, addan ti 11, 675 ti kabuklan a kaso sipod nangrugi ti pandemiya.
Iti inparuk-at a covid-19 case bulletin ti gobierno probinsya, 125 ti nairekord ditoy siudad ti Laoag ken sarunuen iti siudad ti Batac nga addaan ti 70 a baro a kaso ken 59 iti ili ti Dingras.
Mainaig iti daytoy, 50 ti nairekord iti ili ti San Nicolas, 48 iti Bacarra, agpada nga 41 iti Sarrat ken Bangui, 30 iti Pasuquin, 27 iti Solsona, 23 iti Badoc ken 15 it ili ti Currimao.
Nairekord met ti 12 a baro a kaso iti ili ti Paoay, 10 iti Nueva Era, walo iti Piddig, dua iti Marcos ken agpapada nga addaan ti maysa a nainayun a kaso iti Banna, Pinili, Vintar, Pagudpud ken iti ili ti Adams,
Kabayatanna, iti laksid ti nangati a bilan ti kaso ket 194 ti nainayun a nalaingan manipod iti virus.
Gapu iti daytoyket addan ti pakabuklan a 7, 224 ti local recoveries idinto a nagtalinaed a 156 dagiti natay.
Maipalagip nga agingga intuno Agosto 31 ket agtalinaed nga adda iti babaen ti MECQ ti intero a probinsya kalpasan nga agtultuloy ti panagngato ti kaso ti covid-19.
Mainaig iti daytoy, inpakaammo ti DOH nga addan iti Alert Level 4 ti probinnsya wenno ti lugar nga adda iti moderate- to critical-risk ken ti healthcare utilization rate ket nangatngato ngem 70%.
