LAOAG CITY – Nagballaag ti International Committee of the Red Cross (ICRC) kalpasan nga umaboten iti limits ti health system ti Yemen.
Daytoy ket gapu iti umad-ado a masugsugatan a maikabkabil iti ospital iti panagtultuloy ti gubat iti pagilian.
Inbatad ni Health coordinator Feras Abusamraang, agkurkurangen dagiti surgical materials, anaesthesia, oxygen ken dagiti agas.
Maalarma da a gapu iti agtultuloy a panagatake ti Houthi rebels ket sigurado nga umado pay dagiti biktima.
Nangikabil metten ti grupo ti 500 a tonelada ti agas kalpasan a rimsua ti gubat.
