LAOAG CITY – Naragsak ni Mr. Gene Reginaldo, MAPEH supervisor ti DepEd Ilocos Norte gapu ta nangabak Region 1 ti umuna a paset ti football game ti Palarong Pambansa 2018 idiay Ilocos Sur.
Kuna na a nangabak da kontra ti Cagayan Valley iti biang ti secondary iti iskor nga 4-2.
Iti biang ti elementary, ket nangabak da kontra ti Eastern Visayas iti iskor nga 4-2.
Segun kenni Reginaldo, kaddduan nga umaayam ti football ti region 1 ket naggapu iti Ilocos Norte gapu ta isuda ti kampeon iti biang ti football iti naangay nga R1AA iti kallabes.
Babaen ti napintas a panangrugi ti panagay-ayam ti Region 1, namnamaen ni Reginaldo a ngumato ti rango iti Palarong Pambansa.
Naamuan a maika-13 ti Region 1 iti rango ti Palarong Pambansa itay kallabes.
