LAOAG CITY – Segun ken ni Kalvin Dale Manuel, Gold Medalist ti Taekwondo Elementary Boys manipud iti Region 2 a dakkel daytoy a balligi para kenkuana nangruna ket daytoy ti umuna a daras a makipaset isuna ti Palarong Pambansa 2025.
Inbatadna nga agtawen ti innem daytoy idi nangrugi isuna nga agay-ayam ti taekwondo.
Inlawlawagna nga adda ti tallo a session ti panagsanayna iti maysa nga aldaw.
Kunana a dumaldalan daytoy ti nagduduma a training tapno ad-adda a maasa ti kinalaingna iti nasao nga ay-ayam.
Inlawlawagna a ti nagbalin nga inspirasionna ket ti mismo trainer-na a maysa a national player a nangisuro ken nangasa ti talentona.
Mainaig iti daytoy, adda ti maysa nga umaayam ti taekwondo ti nakugtaran ti rupana no sadinno a naulaw daytoy.
Kabayatanna, insigida met a nagresponde dagiti Medical Team tapno mangipaay ti naan-anay a pannakataming ti maseknan nga umaayam.
