LAOAG CITY – Inpakaammo ni Mr. Ronnel Tan, ti Regional Director iti Department of Public Works and Highways (DPWH) a saan da a kontrol ti budget allocation iti tunggal distrito ditoy Rehiyon Uno.
Daytoy ti inlawlawagna apaman a nasaludsod, no apay a dakkel ti agwat ti budget ti Ilocos Norte District 1 ken Ilocos Norte District 2.
Naammaun nga umabot iti ₱12,216,011,000.00 ti nakaiyalokar a budget iti Ilocos Norte District 1 nga idadaukuan ni First District Representative Sandro Marcos, bayat nga umabot met iti ₱3,543,000,000.00 ti naiyalokar iti District 2 nga idadauluan ni Second District Representative Angelo Marcos Barba.
Kuna ni Tan, a ti budget allocation ket nakabasar iti proposal a maisubmitir iti Department of Public Works and Highways, no sadinno nga isuda ti mangiplastar depende iti total ti pupolasyon ken iti kalawa dagiti national roads. Innayonna a no maipama iti kongreso ti budget ket saandan a kontrolado no manayonan ti budget wenno makurangan daytoy.
