LAOAG CITY – Natratar kabayatan ti sesyon iti konseho iti ili ti Paoay ti naipalaon iti surat ti Regional Director ti Department of Interior and Local Government (DILG).
Naipalaon iti surat a masapol a malitupanen ti bakante a pwesto kalpasan a nadesignaran ni Vice Mayor Romulo Acdal kas mayor ken Vice mayor met ni 1st Councilor Mark Angelo Domingo.
Nupay kasta, kuna ni Domingo nga acting pay laeng ti posisyon da ken ni Acdal isut gapuna a nasaysayaat no iyuray da nga umuna ti pormal a pannaka-designar da.
Gapu ti daytoy, kuna na a masapol nga agsaludsod da pay laeng kadagiti maseknan no awan ti masalungasing da no iyuray da nga umuna ti naan-anay a pannaka-designar da iti baro a posisyonda.
