LAOAG CITY – Kiniddaw ni Atty. Crizaldy Barcelo, Regional Executive Director ti Department of Envionment and Natural Resources – Region I nga insigida nga i-report kadakuada no adda ti natiliwda a wildlife animals.
Inbatadna nga adda dagiti nagduduma a wildlife rescue center a naestablisar iti intero a pagilian pakairamanan ditoy Ilocos Norte.
Inlawlawagna a masapul a maisubli dagiti wildlife animals iti mismo lugar a pagnanaedanda.
Kunana a makikoordinar laeng kadagiti field offices ti Department of Envionment and Natural Resources tapno dagitoy ti mangtaripato kadagiti natiliw a wildlife animals.
Innayonna nga apaman a maipadalan iti rehabilitation dagiti wildlife animals ket naan-anay met laeng dagitoy a paruk-atanda.
