LAOAG CITY – Kinumpirmaran ni Police Chief Master Sgt. Harold Nicolas, iti Provincial Drug Enforcement Unit nga agtultuloy ti operasyon ni Marcial Fariñas panggep ti iligal a druga.
Daytoy ket kalpasan iti pannakaipila ti kaso kontra kenkuana mainaig iti iligal a druga idi Marso 2014 babaen iti panangiwayat ti PNP Laoag iti search operation.
Inlawlawag na nga adda iti priority list ni Fariñas iti provincial level wenno iti regional level.
Inbatad ni Nicolas a saan met a karaman ti subject iti top 10 nga adda iti listaan da gapu ta awan pay ti naiyetnag a pammilin.
Maipalagip a nantiliw ni Fariñas babaen ti anti illegal drug buybust operation iti Brgy. Bagbag iti ili ti Solsona ken nakumpiskar da ti 7 a sachet a naglaon ti maipagarup a shabu agraman ti nagatang ti police poseur buyer.
Naamuan ti Bombo Radyo a nawaya-wayaan ni Fariñas kalpasan a nakapagpiyansa iti naipila a kaso kontra kenkuana idi Marso 2014.
