LAOAG CITY – Nagpalagip ti Commission on Election seknan iti umadanin panagngudo ti register anywhere program.
Basar iti poll body, adon dagiti nanggundaway ti nasao a programa ngem ado paylaeng dagiti saan a nakarehistro wenno naka-reactivate ti voter status na.
Ti special registration ket napagbalin nga available kadagiti mall, plaza ken dadduma pay a lugar a pagturturongan ti ado a tattao.
Agngudo ti nasao a proyekto intono Agosto 31, 2024.
Kabayatanna, agingga met ti Setyembre 30, 2024 ti local ken overseas voter registration a maar-aramid kadagiti opisina ti Election Officer iti lugar wenno iti embahada, konsulada para iti overseas.
