LAOAG CITY – Inbatad ni Miss Romelyn Pabro, ti Registered Guidance Counselor iti Mariano Marcos State University (MMSU) A 100 a porsiento a suportaran na ti kalikagom ti gobierno a maaddaan ti guidance counselor iti amin a pagadalan ditoy pagilyan.
Inlawlawag na a dakkel ti maitulong da a lisensyado a guidance counselor gapu ta inadal da dagiti rumbeng a maipakat kadagiti estadyante nga adda ti problema na kangrunaan na iti mental health.
Kuna na nga ikon-konsiderar da pay a saan laeng a dagiti ubbing ti kasarita da no di ket uray dagiti nagannak dagitoy.
Inpanakkel na nga ado metten dagiti estudyante a natulungan da.
Mainaig iti daytoy, inpalgak ni Pabro nga adda ti panagkurkurang ti bilang da a lisensyado a guidance counselor ditoy probinsya.
Innayon na nga umabot laeng ti 20 agingga iti 25 ti bilang da a lisensyado a Guidance Counselor ditoy Ilocos Norte.
