BOMBO LAOAG – Ado pay laeng dagiti mapan agpaparehistro iti Commission on Elections (Comelec) ditoy ciudad ti Laoag tapno makabotos danto intono 2019 elections.
Daytoy ti inbatad ni Atty. Julius Balbas, ti comelec officer ditoy ciudad ti Laoag.
Segun kenkuana, kaadoan kadagiti napan nagparehistro ita a lawas ket dagiti estudyante.
Inbatad na a madlaw nga umad-adon dagiti mapan agpaparehistro iti nabatbati laengen nga uppat nga aldaw nga intuding ti comelec a panagparehistro.
Inpakaammo ni Atty. Balbas nga agingga laengen intono sabado, Setyembre 29 ti panagawat da kadagiti mapan agparehistro tapno makabotos dagiti maseknan intono umay a tawen.
