LAOAG CITY – Nagballaag ti Reg’l Office ti Department of Interior and Local Gov’t. (DILG) kadagiti amin a lokal nga opisyal ti gobyerno nangnangruna kadagiti opisyales ti barangay ti Region 1.
Daytoy ket iti panagbalin da koma a “reasonable” iti panagited ti “clearance “ ti baranggay kadagiti agkasapulan a kabarangayan da.
Segun ken ni Atty. Joseph Apolonio, mangidadaulo ti Legal Dept. ti Dept. of Interior and Local Gov’t. ti Region 1, umanay a pakaisaklangan dagiti opisyal ti barangay nangnangruna iti kapitan no awan rason tapno agkedked a mangted ti clearance.
Kuna na nga adda dan dagiti nasuspenso a kapitan ti barangay ti Region 1 gapu laeng iti nasao nga isyu.
Inlawlawag na a saan nga umanay a rason a gapu ta kas pagarigan saan nga agat-atendar ti maysa a bumarangay kadagiti aktibidad ti barangay ket isu met ti rason a saan a mangted ti clearance.
Kunana a masapul nga adda ti reklamo wenno kaso ti maysa a bumarangay tapno adda pagibasaran ti kapitan a saan a mangted ti clearance ngamin adda ti porma a sursuruten dagiti amin a barangay iti panagited ti clearance.
Inpetteng na a mabalin ti siasinnuman a naagrabyado a bumarangay ti mangireklamo kadagiti opsiyales ti barangay da no pammati da ket saan a maikanatad ti pannakatratar da.
Kas iti panagkedked da a mangted ti clearance kadagiti agkiddaw a kabarangayan da.
Segun pay ken ni Apolonio, a nawaya dagiti bumarangay a mangireklamo kadagiti opisyal ti barangay da ket ti laeng aramiden da ket iti panagpatulong da kadagiti amin a sangay ti DILG kadagiti bukod da a lugar tapno maasistiran da ti rumbeng nga aramidenda.
Innayon na a no awan ti umdas a rason tapno pagkedkedan ti maysa a bumarangay a maikkan ti bgy. clearance ket umanay a pakaisaklangan na.
Immuna ngem iti daytoy, naipadanon ditoy Bombo Radyo seknan iti nasao a banag.
