LAOAG CITY – Kalikagom ni Presidente Ferdinand R. Marcos Jr. a rugian ti rehabilitation ken recovery phase iti sektor ti agrikultura ken imprastruktura.
Daytoy ket kalpasan ti pannakadadael ti sektor ti agrikultura kabayatan ti iduduprak ti bagyo Carina ken napakuyogan pay daytoy iti high tide.
Ti direktiba ti Presidente iti Department of Agriculture (DA) ket kamakamen da ti planting season tapno ti kasta ket maipaay ti tulong kadagiti apektado a mannalon.
Mainaig iti daytoy, pina-assess metten ti Presidente a dagiti lugar a pakaipatulodan ti bin-i ken fingerlings no sadinno a masapul a maited a dagus kadagiti maseknan.
Inyunay-unay ni Pres. Marcos a kasapulan ti mapasubli dagiti mannalon ken mangngalap ti pagbiagan da ken siguraduen a saanda a mapukawan ti trabaho no adda sumangbay a kalamidad.
