LAOAG CITY – Inpetteng ti maysa nga APOR a residente iti Brgy. 62-A Navotas ditoy siudad a saan da a pulos nakapulpulapol ti nagpositibo iti COVID-19.
Daytoy ket mainaig iti saan da a napalubusan a makarwar iti nailockdown a sitio.
Kuna na a kinasarita da ti kapitan mainaig dagiti maibiyahe a nateng ken dadduma pay a produkto gapu ta maperdi no nakapondo.
Segun iti APOR, pinuwersa ti kapitan dagitoy a dumalan da iti swab test ken no agnegatibo dagitoy ket mapalubusan da a rumwar.
Kabayatanna, kinumpirmaran ni Barangay Chairman Jerry Corpuz nga adda dagiti nakasarsarita nan nga APOR a negatibo ti resulta ti swab test na.
Kuna na nga adda ti executive order ni Gov. Matthew Marcos Manotoc a nasken a masurot no sadino a masapul nga agquarantine iti 10 nga aldaw ti maseknan uray negatibo iti swab test daytoy.
Innayon ni Corpuz a kayat na laeng a maliklikan wenno malappedan iti panagwaras ti nasao a virus.
