LAOAG CITY – Manarimaanen ti panangtratar ti Disciplinary and Separation Board (DSB) ti kaso administratibo ni Mr. Nestor Reyes, revenue collector iti ili ti Vintar.
Daytoy ti inbatad ni Mayor Larissa Foronda iti nasao nga ili.
Inbaga ti mayor nga iti laeng napalabas nga aldaw ket naiwayat ti panagdengngeg dagiti kameng ti DSB no sadinno a napan nagatendar ni Reyes.
Innayon na a manamnama nga iti sumaruno a lawas ket addan ton ti agbalin a desisyon ti DSB mainaig iti reklamo kontra ken ni Reyes.
Namonganay ti sangsangwen a reklamo ni Reyes kalpasan a naisend na iti group chat ti LGU-Vintar ti video a maipagarop nga ay-ayamen na ti mabagbagi na.
Nupay kasta, immunan a naglikudan ni Reyes nga isuna ti adda iti video no di ket ti kachat na a maysa a kameng ti LGBT a nagpammarang a babai kenkuana.
Inpakaammo ni Mayor Foronda a dua nga aldawen a nakabakasyon ni Reyes.
