LAOAG CITY – Kinumpirmaran ni Police Lt. Col Rafael Lero, hepe ti PNP Laoag, a temporaryo a nawaya-wayaan ti suspek a nangtagbat iti uliteg na iti Brgy. Raraburan ditoy siudad ti Laoag.
Ti biktima ket agtawen ti 43, ken residente iti nasao a barangay idinto a ti suspek ket agtawen ti 32, baro, tricycle driver.
Segun kenni Lero, limmabesen ti reglamentary period a naipaay para iti inquest proceeding ti maipila a reklamo kontra iti suspek gapu ta saan pay a nakumpleto dagiti dukomento kangrunaan ti medical certificate ti biktima.
Kuna na a porsigido nga agipila ti reklamo ti pamilya ti biktima kontra iti suspek.
Agtennag a regular filing ti pannakaipila ti reklamo kontra iti tricycle driver.
Namunganay ti pannakatagbat ti biktima idi naganawa daytoy iti panagriri ti suspek ken ti kasinsin na seknan iti saan a napintas a bingay iti naglakoan ti daga.
