LAOAG CITY – Inbatad ti Department of Justice (DOJ) a balbaliw a repaswen da dagiti reklamo kontra ken ni Sen. Joel Villanueva mainaig ti maipagarop a flood control scam, kalpasan nga inrakurak ti Office of the Ombudsman a nakurang pay ti ebidensya tapno agpila ti kaso.
Segun ken ni Ombudsman Jesus Crispin Remulla, agtultuloy ti case build-up gapu ta saan pay nga umdas ti ebidensya kontra ken ni Villanueva, uray immunan nga inbatad na a nakasaganan ti reklamo tapno maiyuli iti korte.
Maipalagip nga idi Marso ita a tawen ket inrekomendar ti Department of Justice iti Ombudsman ti panagpila ti tallo a kaso a malversation kontra iti senador.
Segun ken ni Justice Secretary Fredderick Vida, agtultuloy ti pannakitinnulong da iti Ombudsman tapno makumpleto dagiti kasapulan nga ebidensya.
Innayon ni Vida nga itultuloy ti Department of Justice ti panagkalap kadagiti dokumento ken ebidensya kabayatan a maisaysayangkat ti imbestigasyon.
Saan metten a sinungbatan ni Vida no agtungpal iti panagpila ti kaso iti korte ti reklamo kontra ken ni Villanueva.
