LAOAG CITY – Ipaima ti Malacañang iti Department of Justice (DOJ) dagiti reklamo nga inpila ti National Bureau of Investigation (NBI) kontra ken ni Vice President Sara Duterte.
Segun ken ni Executive Secretary Lucas Bersamin, uray ammodan iti maipanggep iti daytoy ngem saanda a pagsasaritaan daytoy a banag.
Inbatadna a saan a mabalin nga isuro ti Department of Justice no ania ti rumbeng nga aramidenda gapu ta maipanggep iti criminal investigation daytoy.
Kabayatanna, nagkedked a nangipaay ti komento ni Bersamin iti nagbalin a rakurak ni Vice President Sara a saan daytoy a karaman iti assassination plot kontra ken ni Presidente Ferdinand Marcos Jr.
Maipalagip nga inpila ti National Bureau of Investigation iti Department of Justice ti reklamo nga inciting to sedition ken grave threat kontra iti Bise Presidente mainaig iti maipagarup a pangta iti panagpapatay kada Presidente Marcos Jr., First Lady Liza Araneta-Marcos ken Speaker Martin Romualdez.
