LAOAG CITY – Inbatad ni Police Captain Rudy James Jacalne, ti chief of police ti Philippine National Police iti ili ti Piddig a naiyendorsar dan iti Commission on Elections ti kaso ti vote buying iti Barangay San Antonio kabayatan ti Barangay ken Sang. Kabataan Elections.
Segun kenni Jacalne, naipadanon kadakuada daytoy babaen iti video ken idi invalidate da ket positibo ti resulta na.
Kunana a ti maipagarop nga inted ti nagkandidato iti kina-kapitan ket 1,500 a pisos nga addaan ti campaign materials.
Inbatad na a ti rumrumuar a naikkan a mismo iti daytoy ket ti supporter ti kinalaban na iti nasao a posisyon.
Mainaig iti daytoy, inbatad na a ni agpursige daytoy a kaso ket mabalin a mabalod ti maseknan iti innem a tawen ken saan dan a mabalin nga agpaidasig pay iti anyaman a posisyon.
