LAOAG CITY – Inbatad ni House Prosecution team legal spokesperson Benjamin Tolosa Jr. a mapaneknekan ti prosekusion iti babaen ti rekords manipud mismo ti Office of the Vice President a nausar ti P125M a confidential funds iti uneg laeng ti 11 nga aldaw.
Iti panagdengngeg ti Senate impeachment, naglikudan ti depensa ti stipulation ti prosekusion a naawat ti Office of the Vice President ti kuarta idi Disisembre 20, 2022 ken naibos iti uneg laeng ti 11 nga aldaw.
Iti panagtestigo ni Commission on Audit (COA) state auditor Roderick Wamil a nakaikabil iti OVP Physical and Financial Plan a ti cash advance ket para iti 4 a quarter ti 2022, ngem nupay kasta, ti liquidation report ti OVP ket agingga laeng iti Disiembre 21 agingga 31, 2022.
Inbutaktak pay ni Tolosa a nagisubmitir ti OVP ti maysa a revised accomplishment report kalpasan a maduktalan ti COA ng adda ti discrepancy dagiti orihinal a dokumento.
