LAOAG CITY – Dinayaw da Russian President Vladimir Putin ken Chinese leader Xi Jinping ti panagpagayam da ken inkari da nga ad-adda pay a tumibker.
Inbatad ni Putin a kalikagom ti Russia ken China a maipatungpal ti political solution iti krisis idiay Ukraine idinto a nagpanawagan met ni Xi para iti two-state solution iti mapaspasamak a gubat idiay Gaza.
Naamoan a daytoy ti kaunaan nga international visit ni Putin idiay Russia sipud rinugyan na ti nagtakem para iti maikalima a termino na.
Maipalagip a ti Russia ket sumangsango ti ginasut a sanctions manipod iti Estados Unidos ken Western allies gapu ta gagem da a mabaldado daytoy manipod iti pannakilablaban da iti Ukraine.
Maak-akusaran met ti Beijing a tumultulong iti Moscow para iti panakilablaban da kontra iti Ukraine babaen ti panangsuplay da kadagiti armas.
