LAOAG CITY – Inawaten ti House of Representatives Sgt. At Arms ti order ti Court of Appeals (CA) a pannakaparuk-at ti Ilocos 6 kageddan ti panangipila da ti Motion for Reconsideration (MR).
Daytoy ket apaman a nakastreken ti sheriff ti CA iti Kamara ti Representantes.
Nupay kasta, inpetteng ni retired Lt. Gen. Roland Detabali nga agtalinaed dagiti Ilocos 6 iti uneg ti detention facility gapo ta adda metten ti MR nag inpila da iti CA.
Mainaig iti daytoy, iti biang dagiti abogado ti Ilocos 6 ket nangipila da met ti dua a pleadings iti CA a dagitoy ket ti pannakadawat a maibasura ti MR ken ti agtultuloy a pannakaipakat ti release order iti laksid nga adda ti MR nga inpila ti Sgt. At Arms.
Kabayatanna, inbatad ni Mr. Jun Arvin Gudoy iti Communication and Media Office (CMO) a mangnamnama da ti pannakaparuk-at ti Ilocos 6 gapo ti panangawat ti Sgt. At Arms ti release order.
Inbatad na a basar kadagiti abogado ket awan met ti status quo ante order a mabalin a manglapped ti order ti CA a mawayaan dagiti maseknan nga empleado isut gapo na nga aniaman nga oras ket masapol a maparuk-atan dagitoy.
Immapela ni Gudoy a nasken nga agtungpal kuma ti Sgt. At Arms iti Rule of Law.
