LAOAG CITY – Kinumpirmaran ni Vice Mayor Vicentito Lazo, presiding officer iti konseho ditoy siudad ti Laoag a dagiti relief goods a nagexpired a nakapondo iti opisina ti City Engineering iti Brgy. 1 ditoy siudad ti Laoag ket parte kadagiti relief goods idi tiempo ti Bagyo Ineng idi Agosto 2019.
Daytoy ket basar iti report a nakalap ken naipalaon iti privilage speech ni Lazo kabayatan ti regular session ti Sangguniang Panlungsod.
Kuna na a naparagsak kuma pay dagiti maseknan nga in-charge dagiti adu a residente no naibunong a nasapsapa dagiti relief goods sakbay nga agexpire idi Enero 2020.
Segun kenni Lazo, mabalin kuma pay laeng a naited dagiti 1,600 nga assorted noddles kadagiti residente idi Disyembre.
Inbatad na nga awan ti serserbi dagiti maseknan nga in-charge iti relief goods a binaybay-an da a nagexpired dagitoy.
Inpetteng ni Lazo a naited kuma pay dagiti assorted noodles a nagexpired idi bulan ti Abril 2020 kabayatan ti panagibunong da ti relief goods iti baet ti COVID-19 pandemic iti Marso.
Mainaig iti daytoy, nasken a maamuan no siasinno ti akin responssable kadagiti relief goods ken saan da nga agpangadua a pilaan ti maiyannatop a kaso.
Inpasingked na a saan da a palabsen daytoy a panagliway ken maipagarup a panangsabotahe kadagiti operasyon ti gobyerno.
Naipaima daytoy a banag iti Committee on Good Governance ken Committee on Social Services tapno maimbestigar daytoy.
