LAOAG CITY – Arigna aggi-innagaw dagiti residente iti probinsya ti Cagayan partikular iti ili ti Alcala nga immawat kadagiti relief goods.
Daytoy ti inbatad ni Mr. Pirnce Palermo ditoy siudad ti Laoag.
Kuna ni Palermo nga apaman a nakadanun da iti ili ti Alcala ket ado dagiti residente a nga nagur-uray ken nagkalikagum kadagiti intugot da a relief goods a naglaon ti delata, badbado, danom ken dadduma pay a kasapulan iti inaldaw.
Mainaig iti daytoy, inbaga na nga arigna nalunag ti rikna na apaman a nakita na dagiti residente a naiget nga agkasapulan nangruna kadagiti adda iti igid ti kalsada nga agur-uray ti tulong.
Innayun na a bayat ti panagsursor da iti nasao a lugar ket makita latta dagiti inbati a perdisyon ti bagyo Ulysses nangruna kadagiti pagtaengan a nakaro a nadadael.
Immunan nga inpakaamo ni Palermo a kadwa na a nagturong iti probinsya ti Cayagan ti Navara Nation Ilocos ken manamnama a sumaruno nga agturong ti bukod na a grupo nga NMAX Elite ta mangipaay ti tulong.
