LAOAG CITY – Nakadiskubre dagiti siyentista a rumrumwar ti asul nga apoy a maiyarig iti apoy iti gas stove kadagiti rikki iti Leilani Estate, Puna District, Big Island, Hawaii.
Daytoy ti inpakaammo ni Bombo International Correspondent Manny Pascua manipud iti nasao nga estado.
Kuna na nga atapen dagiti siyentista nga adda ti methaine gas iti uneg ti daga rason iti panaggil-ayab a maiyarig iti gas stove.
Segun kenni Pascua, binallaagan dagiti otoridad dagiti residente a saan da umasideg gapu ta posible a pumutok dagiti rengngat.
Iti mainaig a damag
Umaboten ti 2,000 acres wenno nasurok 809 nga ektarya ti inakuparan ti lava iti lower Puna, Big Island, Hawaii.
Daytoy ti inpakaammo ni Bombo International Correspondent Manny Pascua.
Kuna na a umabot iti dua a kadsaaran a balay ti kangato ti timmangken a lava idiay Leilani ken Lanipuna subdivision
Mainaig iti daytoy, inbatad ni Pascua immado dagiti Pilipino nga agmulmula ti papaya ken Noni ti naapektaran ti panagputok ti Kilauea Volcano.
Inbinsa-binsa na nga adda ti taga ili ti Bacarra, Sarrat Dingras ken taga Ilocos Sur.
