LAOAG CITY – Naiwaive ti bayad ti renta karaman dagiti penalties ken surcharges dagiti stall holders iti Laoag City Public Market and Commercial Complex kalpasan a naiserra gapu ti pannakaipatungpal ti Modified Enhanced Community Quarantine wenno MECQ itay kallabes.
Daytoy ket gapu ti ordinansa nga inaprobaran ti Sangguniang Panlungsod ditoy ciudad kas panangikonsiderar da ti sitwasyon dagiti aglaklako gapu ti sumagmamano nga aldaw nga awan ti pagsapulanda.
Maipalagip a ti merkado publiko ditoy siudad ket nakairekord iti sumagmamano a kaso ti COVID-19 kangrunaan kadagiti aglaklako iti sumagmamano section ti tiyendaan.
Naipatungpal ti MECQ idi Nobyembre 27 nagpatingga idi Disyembre 11 gapu ti panagngato ti COVID-19 cases.
