LAOAG CITY – Inawagan ni House prosecution panel spokesperson ken Lanao del Sur Rep. Zia Alonto Adiong nga “ironc” ti nagbalin rakurak ni Vice President Sara Duterte mainaig iti pannakadanagna para iti seguridadna ken ti pakabukelan a pamiliana.
Segun ken ni Adiong, maipagarup saan a nagsilpo dagiti rakurak ni Duterte ken iti agdama a situasiona gapu iti sansangoenna a tallo a bilang ti kaso a grave threats kalpasan ti panagpangtana idi tawen 2024 nga adda nakasaritana nga indibidual a mangpapatay kada Presidente Ferdinand Marcos Jr., First Lady Liza Araneta-Marcos ken ti dati a House Speaker Martin Romualdez no adda saan a nasayaat a mapasamak kenkuana.
Sakbay a simmrek ni Duterte iti Quezon City Hall of Justice, inbatad ti bise nga awan talekna iti pulisya ken madanagan daytoy para iti seguridadna ken iti pamiliana.
Innayonna pay a makarikna daytoy ti pangta iti seguridadna manipud pay laeng idi tawen 2023 gapu iti maipaagarup harassment a mapadpadasan ti paliana.
Mainaig iti daytoy, kwinestioaran dayttoy ni Adiong a segun kenkuana ket agarup agpampammrangen a ti biktima ket ni VP Sara ken dinakamatna a ni VP Sara ti sumangsango iti kaso nga adda pakainaiganna iti panagpangta.
Malaksid iti daytoy, napansin pay ti agpanpanday linteg ti panagtigtignay ken panagsarsarita ni Duterte bayat ti pannakisarsaritana kadagiti abogadona, no sadinno ket awan ti makitana a panagdanagna para iti biagna.
Kabaytanna, inbatad ti Philippine National Police nga awan ti naawawatda nga impormasion wenno report mainaig iti aniaman a panangpangta kontra ken ni Vice President Duterte ken kadagiti pamiliana.
Nupay kasta, segun ken ni PNP Chief PGen. Jose Melencio Nartatez Jr., agtultuloy ti panang-monitor-da iti sitwasion tapno masigurado ti natalged a seguridad ti bise presidente.
