LAOAG CITY – Awan ti plano ni Cavite 4th District Rep. Kiko Barzaga nga agatendar iti panagdengngeg nga iwayat ti house committee on ethics and privileges mainaig kadagiti ethics complaint kontra kenkuana.
Mensahe daytoy ni Barzaga kalpasan nga inrakurak ni 4Ps Party-list Rep. Jc Abalos a Chairman ti komite a patuludandan ni Barzaga ti imbitasion tapno sumango iti panagdengngeg a planoda nga isayangkat inton sumaruno a lawas.
Daytoy nga addang ti komite ket kalpasan nga inlungalong dagiti sumagmamano a kongresista nga iyalud-od pay ti pannusa ken ni Barzaga nga ita ket nasuspenso ti 60 nga aldaw.
Nupay kasta, saan nga ikankano ni Barzaga no naan-anay nga ikkatenda isuna kas miembro ti Kamara de Representantes.
Inpettengna nga awan ti naaramidan ti kongreso no diket perdien ti biag dagiti Pilipino.
