LAOAG CITY – Plano ni Cavite 4th district Rep. Francisco “Kiko” Barzaga a mangbukel ti ‘Independent Meow Bloc’ iti House of Representatives.
Inbatad ni House Deputy Speaker ken Iloilo Rep. Janette Garin, rek-recruit-en isuna ni Barzaga nga agbalin a miembro ti ‘Independent Meow Bloc’ ngem nagkedked daytoy gapu ta paset daytoyen iti majority bloc.
Saan met a masinunuo ni Garin no seryoso wenno angaw laeng ti gagem ni Barzaga a maaddaan ti ‘Independent Meow Bloc.’
Naammoan a ni Barzaga ket dati a kameng ti majority bloc ngem naikkat isuna idi nagikkat kas House Assistant Majority Leader ken kas miembro met ti National Unity Party.
Kabayatanna, saan a karaman ni Barzaga iti 27 a miembro ti minority bloc nga idadauloan ni 4Ps Party-list Rep. Marcelino “Nonoy” Libanan.
