LAOAG CITY – Inlungalong ni Manila 3rd District Rep. Joel Chua a maisubli ti turay ti gobierno a mangprotehir kadagiti Pilipino kontra iti panagngato ti presio ti produkto a petrolyo.
Naipalaon daytoy iti inpila ni Chua nga House Bill No 8839 wenno “Fuel Price Stabilization and Energy Security Act”.
Iti babaen ti gakat ket mabukel ti Fuel Regulatory Board, kasta pay ti baro nga Oil Price Stabilization Fund ken Strategic Fuel Reserve.
Naipalaon pay iti gakat nga adda ti nalawag a mekanismo tapno masalwadan dagiti pilipino no adda ti agbalin a problema iti suplay wenno panagpangina ti presio ti produkto a petrolyo a mangapektar iti presio ti taraon, ken transportasion.
