LAOAG CITY – Inwaragawag ni Tabaco City Mayor Krisel Lagman a pimmusayen ti aman na a ni Albay 1st District Rep. Edcel Lagman iti tawen na nga 82.
Segun iti mayor, atake iti puso ti nakatayan ti agpanpanday linteg iti oras ti alas-5:01 itay laeng malem.
Ni Lagman ket naipasngay idi May 1, 1942.
Nagserbi daytoy kas minority leader ken dadduma pay a posisyon iti Kamara de representantes.
Nagbalin pay a paset daytoy iti nagduduma a political party kas iti Liberal Party (2012–2025) UNIDO (1980–1988) LDP (1988–2001) LAMMP (1998–2001) ken ti Lakas–CMD (2001–2012)
Isuna ti presidente ti LP agingga iti ipupusay na.
