LAOAG CITY – Nagbinnara iti plenaryo ti Kamara de representantes da Caloocan Rep. Egay Erice ken Iloilo Rep. Janette Garin kalpasan a kwinestyunaran ni Erice ti maipagarop a pannakibibiang ni Majority Leader Sandro Marcos kadagiti deliberasyon.
Segun ken ni Erice, saan a maipakpakita ti pudno nga anag ti minority bloc gapu ta arigna un-unnaan ti majority ti proseso, partikular iti isyu ti substitute bill para iti Anti-Political Dynasty.
Dagus met a sinungbatan ni Garin ken inpetteng na a saan a rumbeng a pagbalinen a personal dagiti deliberasyon, ken ti gagem ti majority ket siguradwen ti naurnus a pannakaiproseso dagiti gakat.
Nairiing pay ti pannakadutuk ni Erice a maipagarop a basar iti lungalong ti maysa a dati nga agpanpanday linteg idi maika-19 a Kongresono sadinno nga inpalgak ni Garin a saan a rumbeng nga agpadiktar iti dati a kongresista.
Ti panagbinnara dagiti dua nga agpanpanday linteg ket napasamak sumagmamano nga aldaw kalpasan ti pannakaikkat ni Erice kas senior deputy minority leader ken sinukatan ni Rep. Leila de Lima, kalpasan a kinontra na ti nasao a substitute bill.
