LAOAG CITY – Nagyamanan ni Appropriations panel chair ken Ako Bicol Partylist Rep. Elizaldy Co ti Philippine Charity Sweepstakes Office (PCSO) ti pangawat na iti nailungalong nga isudan ti agbayad iti professional fees dagiti doktor para kadagiti marigrigat a Pilipino a mai-confine iti ospital.
Daytoy ket kas panangtungpal iti direktiba ni Presidente Ferdinand Marcos Jr., a duktalen pay ti sumagmamano nga addang tapno mapasayaat ti healthcare delivery para kadagiti marigrigat a Pilipino.
Naragsak ni Co iti alisto a panagsungbat ti Philippine Charity Sweepstakes Office iti panawagan na.
Segun ken ni Rep. Co, idi budget deliberation ti Philippine Charity Sweepstakes Office ti panagpanawagan na nga ibaklay na ti professional fees dagiti doktor gapu ta ado dagiti saan a makabael nga agbayad.
Naamoan nga agkedked dagiti doktor a mabayadan da babaen ti Medical Assistance for Indigen and Financialy Incapacitated Patients Program (MAIPP).
Mainaig iti daytoy, nagyaman pay ni Co iti Philippine Medical Association iti panangidaulo ni Dr. Hector Santos iti commitment da nga amin a doktor a miembro ti Philippine Medical Association ket agawad ti bayat manipod iti Philippine Charity Sweepstakes Office uray umabot pay iti 30 agingga iti 60 nga aldaw.
Mamati ni Co a babaen ti panagtitinnulong ket mangipakita a no ti gobierno ket dagiti propesyunal ket agtitipon ti pwersa da ket magun-od ti solusyon a pakabenepisyaran dagiti marigrigat a Pilipino.
