LAOAG CITY – Kiniddaw ni ACT Teachers Party-List Representative France Castro nga ipangpangruna ti Kongreso ti pannakatalantan iti nababa a sueldo dagiti mangmangged iti panagsublida ita a 2025.
Mangnamnama ti kongresista a maikkan ti naan-anay nga importansia ti pannakaipaay ti kanayonan a sueldo para kadagiti agtartrabaho.
Inpettengna a kurang ti agdama a sueldo dagiti mangmangged gapu iti nguminngina a presio dagiti magatgatang.
Kunana nga iti agtultuloy a panagdengngeg iti Kongreso, kalikagumna a matutukan dagiti komite kangrunaanna iti House Quinta Committee ti presio dagiti magatgatang kas ti bagas pakairamanan ti kuriente, danom ken dadduma pay.
