LAOAG CITY – Intudo ni Batangas Rep. Leandro Leviste ni Executive Secretary Ralph Recto a maipagarop a manglaplapped iti panagkalikagom ti kaadoan nga agpanpanday linteg a maipangato ti sweldo dagiti mangmangged iti intero a pagilian.
Iti statement ni Leviste, inpetteng na a rumbeng laeng nga inaganan na ti manglaplappes ti pannakaipangato ti sweldo dagiti mangmangged.
Inpaganetget na a naipasa koman ti kongreso ti nayun a minimum wage idi naudi nga aldaw ti 19th Congress, ngem maipagarop a kinasarita ni Recto ti Senado a saan nga ipasa daytoy.
Ni Recto ket agserserbi paylaeng idi kas Secretary of Finance.
Innayon ti kongresista nga iti agdama ket adda ti inlungalong a gakat ni Ka-Mangagawa Rep. Eli San Fernando tapno pukawen ti provincial wage rates ken nagpirman ti kaadoan a kameng ti kamara de representantes tapno suportaran daytoy, ngem saan a naaprubaran gapu ta maipagarop a saan a kayat ni Recto.
Kuna na pay nga arigna suportado met amin ti House members ti panagbaba ti Value-Added Tax (VAT) ngem maipagarop a pinakaammoan ti Committee Chair a saan da a pagbotosan gapu ta kontraen daytoy ni Executive Secretary Ralph Recto.
