LAOAG CITY – Inadmitir ni House Justice Committee Chairperson Rep. Gerville Luistro a no bilang paset isuna ti defense team ket narigat a depensaan ti impeachment kontra ken ni Vice President Sara Duterte.
Inbatad ni Luistro a makitkitana a nakarigrigat nga establisaren ti depensa nangruna kadagiti ebidensia nga inparuk-at dagiti complainant.
Kunana a nasken nga agatendaren ti Bise Presidente tapno iruar ti ebidensia daytoy kabayatan nga awan pay ti desision.
Innayonna a no bilang awan ti maidatag nga ebidensia ti defense team ni Vice President Sara ket mabalin a makita nga umdas ti ebidensia ti nasao a complaint ken posible daytoy nga agresulta iti panangilungalong ti article of impeachment-na iti senado.
