LAOAG CITY – Naiget a naglikudan ni Davao City 1st District Rep. Paolo Duterte nga am-ammona ni dati a Bureau of Customs (BOC) Intelligence Officer Jimmy Guban a nangiraman iti naganna maipapan iti mapukpukaw a shabu shipment a nakaikabil iti magnetic lifters.
Iti rakurak nga inruar ti opisial inbatadna a saan na am-ammo ni Guban ken awan ti makitana a rason a pangtaanna ni Guban gapu ta uray naminsan ket saanna pay daytoy nakitkita.
Iti naiyuswat a quad-committee hearing, inbatad ni Guban a nangipatulod ni dati nga Environment Undersecretary Benny Antiporda ken pinangtaanna nga adda ti mapasamak a dakes kenkuana no iramanna ni Duterte, ti bayaw daytoy a ni Atty. Manases Carpio ken pakairamanan ti negosiante a ni Michael Yang a naitudo a karaman iti iligal a drug shipment idi 2018.
