LAOAG CITY – Inrakurak ni Ilocos Norte 1st District Rep. Sandro Marcos nga ad-adu manen dagiti padana a diputado ti umas-asideg kenkuana sipod nagbalin a majority floor leader daytoy.
Inbatadna a kas Chairman ti Committee on Rules ket umasidegda kenkuana tapno sigurado a matratar iti floor dagiti nagduduma a gakat nga ipila dagiti padana a diputado.
Inlawlawagna a ti panagbalinna a majority leader ket saan a para iti panagsagsagana iti 2028 election.
Kunana a maragsakan daytoy gapu ta uray adu ti trabahona ket ad-adu met ti pundo a mailatang para kadagiti kailian.
Maipalagip a nagbubutos ti Kongreso nga isuna ti agbalin a majority floor leader kabayatan ti panaglukat ti 20th Congress.
Kabayatanna, kas majority floor leader ket daytoy ti mangkita ti pannagna ti agenda iti Kongreso, panangurnos ti supermajority bloc, ken panangsuporta kadagiti gagem ni Presidente Ferdinand Marcos Jr.
