LAOAG CITY – Namnamaen ni Mrs. Minda Jacinto, akinkukua ti replica ti Black Nazarene iti Barangay 2 ditoy ciudad ti Laoag nga ado dagiti makipagpartisipar iti precession ti replica ti Black Nazarene.
Maiyuswat ti procession iti alas-dos ti malem intono Enero 9, no sadinno manipud iti pagtaengan da ket dumalan iti P. Gomez St, Bacarra Road ken dumagas iti maestablisar nga altar iti sangwanan ti kapitolyo probinsyal ken ti city hall ken agsubli iti pagtaengan da.
Segun kenni Jacinto, patien na nga ado dagiti agatendar a deboto saan laeng a dagiti residente ti ciudad ti Laoag no diket uray dagiti aggapo iti sabali a lugar a kas iti napaspasamak sakbay ti pandemya.
Inbatad na a nakikoordenar met iti lokal a gobierno ti ciudad ti Laoag ken iti gobierno probinsyal para iti panakaiyuswat ti procession, kasta pay iti Philippine National Police (PNP).
