LAOAG CITY – Natnag ti 24 a metro a replica ti Statue of Liberty iti ruar ti Havan megastore idiay Guaíba, Brazil idi Disiembre 15 kalpasan a napasaran ti napigsa nga angin gubuay iti dakes a panawen.
Basar kadagiti otoridad, awan ti naipadamag a nadangran iti insidente kalpasan a naibakwit dagiti tattao ken lugan iti aglawlaw sakbay a natnag ti istruktura.
Naipatakder ti nasao a replica idi 2020 kas paset ti branding ti Havan retail chain nga am-ammo iti panangipatakder kadagiti Statue of Liberty replicas kadagiti tiendaanda.
Nagtalinaed a buo ti konkreto a base ti rebulto uray natnag ti mismo nga istruktura isut gapuna a saan a naapektaran ti pasdek.
Naammoan a ti pannakatennag ket naalaan ti video ken nagwaras iti social media a nangitunda ti nabara a pagsasaritaan iti publiko.
Kabayatanna, ti insidente ket maysa laeng kadagiti nadadael gapu iti napigsa a bagyo iti rehion ti Rio Grande do Sul ita a Disiembre.
