LAOAG CITY – Mangipatungpal ti adjustments ti National Food Authority (NFA) iti rice auction tapno agbalin nga al-alisto ken epektibo ti proseso.
Iti agdama ket nangilukat ti bidding para iti third auction ti 750,000 bags ti good-quality aging rice, ken ti sumaruno a round ket manamnama a maisayangkat iti umuna a paset ti Abril ita a tawen.
Inbatad ni National Food Authority Administrator Larry Lacson nga umabot iti nasurok maysa a bolan ti maysa a bidding cycle, isut gapuna a kasapulan ti adjustments kas ti panagkissay ti minimum volume manipod 5,000 bags iti 3,000, ken ad-adda a tutukan iti regional ngem ti national auction tapno al-alisto.
Innayon na nga ad-ado a private traders ti interesado iti bidding gapu ta ti aging stocks ket “good ken fit” para iti human consumption.”
Inpasigurado ni Lacson a makatulong ti auction iti panagbaba ti presyo ti bagas iti sumagmamano a lokal a merkado ken mangipaay ti gundaway iti ahensya a mangpapigsa ti palay procurement manipod kadagiti mannalon iti harvest season intono Marso ita a tawen.
