LAOAG CITY – Awan pay ti dimmatag iti Provincial Internal Affairs Service mainaig dagiti nagsasala a pulis a kameng ti PNP Burgos a maipagarup a nangbastos kadagiti kameng ti banda iti maysa a pasken iti Brgy. Paayas iti nasao nga ili.
Daytoy ti kinumpirmaran ni Police Major Orlando Olinda Jr. mangidadaulo iti nasao nga opisina.
Kuna na a timmawag idi kalman ti hepe ti PNP Burgos a maisumitir ti report da mainaig ti insidente iti sumaruno a tawen.
Segun kenni Olinda, awan pay ti naawat a reklamo ti PIAS.
Mainaig iti daytoy, adda ti maiwayat a comprontasyon dagiti maseknan kangrunaan dagiti nainaganan a pulis nga isuda Police Staff Sgt. Jimmy Hufancia kenni Police Cpl. Celform Mark Briones iti Ilocos Norte Police Provincial Office.
Immunan nga adda ti pammilin ni Police Col. Cesar Pasiwen, provincial director iti Police Provincial Office a maiyakar dagiti maseknan iti sabali a destino.
Kabayatanna, nakikoordinar metten ni Fire Supt. Floro Obrero, provincial fire marshal ti Ilocos Norte iti Bureau of Fire Protection iti nasao nga ili gapu ta karaman kadagiti tattao a maipagarup a nangbastos kadagiti miembro ti banda itay kallabes.
Basar iti video ket mabuya iti panagsalasala dagiti lima a tattao iti lawlaw dagiti dua a singer ti banda.
