LAOAG CITY – Inlawlawag ni Mr. Richard Raralio, manager iti SSS Laoag Branch, dagiti requirement tapno magundawayan dagiti pensioners ti pension loan program.
Kuna na a dagiti kwalipikado para iti pension loan ket dagiti retirado a nababbaba iti tawen a 85, saan a nakaadvance iti 18 months lump sum, ken nasken nga umaw-awat da ti monthly pension.
Inbatad ni Raralio a magundawayan laeng dagiti miembro a nakaadvance iti 18 months lump sum ti nasao a programa iti maika-19 a bulan.
Mabalin met nga agaplikar dagiti damo na nga umawat ti pension iti nasao a programa.
Segun kenni Raralio, mabalin a tallo a bulan agingga iti 12 a bulan ti mabalin a mabulod dagiti maseknan.
Kuna na a ti panagbayad ket mabalin iti innem a bulan, agingga iti dua a tawen ken addaan ti 0.83 a porsiento nga interest iti kada bulan wenno 10 a porsiento iti maysa a tawen.
Inlawlawag ni Raralio a maikissay iti maawaat a pension dagiti maseknan kas naibasar iti nabulod a kuarta rason a saan a kasapulan a mapan agbayad dagiti maskenan iti opisina da.
Innayon na a mabalin nga agaplikar dagiti mangayat iti online wenno iti opisina.
Iti panagaplikar iti opisina ket addaan da iti lane para lane kadagiti agapikar iti pension loan program ken isudan ti agserbi a mangfill-up iti dukomento.
