LAOAG CITY – Mabuangay ti research team para ti pannakabuangay ti turismo ditoy probinsia.
Segun ken ni Gov. Cecilia Araneta Marcos, iti intero a pagilian madlaw ti panagginad ti turismo isu a kasapulan a makita dagiti lugar a mabalin a ma-develop.
Inbatadna nga adu dagiti maidiaya ti probinsia a nakitana daytoy idi adu dagiti nangibaga a napintas ken nadalus ti probinsia apaman a bimmisita dagiti taga Cebu a nagatendar ti kasar ni Vice Gov. Matthew Marcos Manotoc.
Mainaig iti daytoy, manamnama ti ibibisitada idiay Hawaii tapno agimbitar kadagiti Pilipino nga agsubli ken bumisita ditoy probinsia.
