LAOAG CITY – Manamnama ti reshuffling kadagiti chief of police iti nagduduma a Municipal Police Station ditoy probinsya.
Daytoy ti kinumpirmaran ni Police Colonel Cesar Pasiwen, Provincial Director ti Ilocos Norte Police Provincial Office (INPPO).
Segun kenni Pasiwen, ummunan a nareliboan ti hepe ti PNP-Bacarra a ni Police Major Ryan Retotar a naisukat kenni Police Major Rommel Ramos, ti mangidadaulo ti Traffic Divisin ditoy ciudad ti Laoag.
Inbatad na a ti pannaka-reshuffle dagiti chief of police ket maiyuswat intono Lunes a pakairaman dagiti ili ti Badoc, Dingras, Dumalneg ken idiay Piddig.
Kunana a dagiti hepe kadagiti nadakamat nga ili ken mapan da ag-schooling para iti promotion da.
