LAOAG CITY – Naladingit ni Mrs. Vilma Cabuloy McDaniel, iti Connelly, North Carolina, tubo iti ili ti Bacarra, gapu iti possible a pannakaabak ti supsuportaran da a ni Presidente Donald Trump iti eleksiyon.
Kuna na a patyen na a maswitswitiken ti panagbilang kadagiti botos gapu kadagiti mail-in votes kangrunaan iti biang ni Democratic candidate Joe Biden.
Segun kenni McDaniel, damo laeng ti pannakaiyuswat iti mail-in voting nga isu ti makitkita ken maipagarup a rason a maswitik dagiti botos agraman ti maipagarup a double voting.
Nupay kasta, nangabak ni Trump iti estado ti North Carolina.
Innayon na a possible nga adda ti agrally iti lugar da mainaig iti maipagarup a pannakaswitik ni Trump.
