LAOAG CITY – Inpasingked ni Barangay Chairman Ryan Bartolome iti Barangay 8, San Vicente ditoy ciudad ti Laoag nga awan ti rumbeng a pagamkan dagiti kabarangayan na kalpasan ti panagpositibo ti agtawen ti 21 a babai a nurse wenno ni IN-C8.
Daytoy ket gapo ta apaman a simmangpet ditoy probinsya ni IN-C8 manipud Metro Manila ket naideretso iti quaratine facility ken saan a nagturong iti barangay da.
Inadmitir ni Bartolome a nadagsen ti rikna na kalpasan a nakumpirmaran a kabarangayan na ti maysa kadagiti nagpositibo ti covid-19.
Ummuna iti daytoy, kuna ni Bartolome a napan ti ina ni IN-C8 kenkuana tapno mangala ti Residence Certificate ken ditoy a nagatap gapo ta adda ti rimwar a report a nakageddanan ti nurse ti nagpositibo a maysa a kameng ti Philipine Airforce.
Segun kenni Bartolome, mapan dan to kitaen ti kapamilya ni IN-C8 seknan iti daytoy.
Naamoan a ni IN-C8 ket maysa a nurse idiay Pasay City ken saan na a masigurado no covid-19 area ti nakadesignaran na.
