LAOAG CITY – Agamak ni Mrs. Perly Barit iti Barangay Lataag ditoy ditoy ciudad ti Laoag iti nagdisso a live wire iti galba ti balay da.
Napasamak daytoy kalpasan napan nagputol ti kayo dagiti empleado iti Ilocos Norte Electric Cooperative (INEC).
Inbaga na nga idi agisaksak koma ket na-ground isut gapuna a maproblemaan iti kaadda ti livewire a nagdisso iti galba da.
Innayon na nga iti napalabas a tawen ket ginandat ti kayong na a mapan itali ti dua a waya a nagdisso iti galba da ngem isu metten ti pannaka-kuryente na.
Kuna na a daytoy ti kaamak na no saan a maiplastar a naimbag ti live wire a nagdisso iti galba da amangan no adda manen ti makuryente a kapamilya da.
