LAOAG CITY – Inlawlawag ni Mr. James Dulig iti Barangay Arua-ay iti ili ti Piddig nga angaw na laeng ti naibagana iti uliteg na a ni Mr. Agosto dela Cruz a papaisubli da ti inawat na a 3 ribo a pisos manipod iti Ayuda sa Kapos ang Kita Program.
Segun ken ni Dulig, saanna a ninamnama a sineryoso ti ulitegna ti angawna kenkuana.
Inbatad na pay a no ania man ti naibaga iti ulitegna iti nagreklamoan na ket awan ti pakainaigan ti kapitan ti barangay ken dagiti dadduma pay nga opisyal, kasta met ti munisipyo.
Mainaig iti daytoy, masdaaw ni Barangay Chairman Victor Valentin iti Barangay Arua-ay iti ili ti Piddig no apay a saan nga inasitgan nga immuna ni dela Cruz tapno isuna ti nagsaludsudan na mainaig iti naibaga kenkuana ti kaanakan na sakbay a napan nagreklamo iti sabali.
Kuna pay ti kapitan a datin nga agin-innangaw da dela Cruz ken ni Dulig ngem saanna nga inpagarop a kadayta a gundaway ket sineryoso na ti angaw kenkuana ti kaanakan na.
